كنتي عروس وجمالك ماانخلـق قـدّه .... وكنتي فنار الجمـال وكنتـي وكنتـي
وهالحين جَدّة ولاعـاد انتـي بجِـدِّة .... بدري كبرتـي وشيّختـي وعجزتـي
احفادك من المدن فـالارض ممتـدّة .... تطـوّرت حيـل وانتـي ماتطوّرتـي
ماعاد للحسـن فـي وجهـك ولالـدّة .... لاضير لو يوم من غيضـك تذمّرتـي
من غادي الغيث اخذتي مزحه وجِـدّه .... وجلدتي الذات حتّى انّـك تجرحتـي
كشفتي الخافي اللي ماانكشـف سـدّه .... وياكم من سنيـن وعقـودٍ تستّرتـي
والامرللواحـد اللـي مانفـد مَــدّه .... يالله عسى خير حتـى لـو تعوّرتـي
إشكي على البحر في جزره وفي َمدّه .... دلّوعـة البحـر سلامـات لاهنتـي
وإن زارك الغيث في هجمات مرتـدّه .... عيشي بجلبـاب بحـرك لوتكرمتـي
للصبر حد وشكل صبرك وصل حَـدّه .... وقمتي عن الغيـض والآلآم عبّرتـي
أهل الطمع والجشع كـلاً مـلا مـدّه .... ليتك عن اللي نهب ضحكتك خبرتـي
خليـه يفـرح بمحصولـه اليـاعـدّه .... ويزحزحه عن عذاب النفس لو سنتي
لو المدن تشْكي وتحْكـي عـن البـدّه .... يمْديك عن قسـوة احبابـك تكلمتـي
يمديـك شكيتـي الهجـران والصـدّه .... وكم ليل كم ليل ف احضان الالم نمتي
وما ودّنـا نتّهـم مخلـوق ونضـدّه .... وشينفع اللوم لـو لمنـا ولـو لمتـي
أخطـاء متليّمـة والله لـهـا مُــدّة .... تراكمت لين جاك السيـل واذعنتـي
ولاخير فيمن هجر خِْـل ونسـى ودّه .... وشلون مااحزن اليا كان المصاب انتي
يوم الصبا في رحابك مانضب عِـدّه .... وانتي لنـا بأجمـل الوانـك تلوّنتـي
مير أبشري والفرج ياتي مـع الشِّـدّة .... مادام في قلب ابـو متعـب تمكنتـي
استبشري بالسعد والخيـر مـن يـدّه .... وعساك من لمسـة الوالـد تطمنتـي
وساع اعتزيتي بخالد كل شـي هـدّه .... تألّـم لصرختـك ساعـة تألّمـتـي
جا ينظم العِقد فااجمـل جيـد ويـردّه .... ويقول:محبوبتي عـودي كمـا كنتـي
ليست هناك تعليقات:
إرسال تعليق